ЯҠТАШЫБЫҘ ФИДАН ҒАФАРОВҠА — 75 йәш!!! 🎤💐🎉

Фидан Ғафаров – Рәсәйҙең, Башҡортостан һәм Татарстан республикаларының халыҡ артисы, Салауат Юлаев исемендәге дәүләт премияһы лауреаты, Салауат Юлаев ордены кавалеры, Өфө ҡалаһының почётлы гражданы.
Фидан Сафа улы 1947 йылдың 12 октябрендә Башҡортостандың Дүртөйлө районы Яңы Уртай ауылында тыуған.1961 йылда етенсе класты тамамлағас, 14 йәшендә Өфө сәнғәт училищеһына уҡырға килә. Училищенан һуң туп-тура башҡорт академия драма театрына барып, эшкә урынлаша. Тап ошо театрҙа күп йылдар буйы ижад менән шөғөлләнә ул. Классик һәм милли авторҙарҙың әҫәрҙәре буйынса ҡуйылған спектаклдәрҙә 100-ҙән ашыу сағыу образдар ижад итә. Ул башҡарған Ғ.Ҡотойҙоң “Тапшырылмаған хаттар” драмаһында – Искәндәр, М.Фәйзиҙең “Ғәлиәбаныу”ында – Хәлил, Т.Таһировтың “Ғәлиә”һендә – Заһир ролдәре Башҡортостан профессиональ сәнғәтенең алтын фондын тәшкил итә.
Бөгөнгө репертуарҙа Фидан Сафа улы “Мин һинең ҡәйнәң булам”, “Бәхет хаҡы” спектаклдәрендә төп ролдәрҙе башҡара.
Кисә, Республика көнөндә, Башҡортостан Башлығы Радий Хәбиров халҡыбыҙҙың яратҡан йырсыһы һәм артисы Фидан Ғафаровты Халыҡтар дуҫлығы ордены менән бүләкләне. Яратҡан артисыбыҙҙы, яҡташыбыҙҙы юғары награда алыуы һәм күркәм юбилейы менән тәбрикләйбеҙ, уға ныҡлы һаулыҡ, именлек, ижади уңыштар теләйбеҙ!!!
#ФиданҒафаров75#Дүртөйлөүҙәккитапханаһы