ӘДӘБИ – МУЗЫКАЛЬ КИЧӘ “ЯЗЛАР МАТУР ХАТЫН – КЫЗЛАР БЕЛӘН!”

Март аенда, кар өстендә,
кояш нурлар уята —
Яз килә, каршы алыгыз —
Дигән хәбәр тарата.
Без беләбез, җылы язның
Иң беренче бәйрәме —
Әниләр, әби-апалар
Хатын кызлар бәйрәме!
Урамда яз җилләре исә. Яз битләребезгә дә, хисләребезгә дә үзенең җылысын өрә, үзенең сихри көчләре белән кешеләр күңеленә үк үтеп керә: җан, рухка ниндидер көтелмәгән куаныч иңәр төсле, бәхет-шатлыкка юл ачылыр сыман… Язлар матур, дибез. Бәлки яз хатын-кызлар бәйрәме белән матурдыр? Әйе, көннең яктылыгы – кояшта, күкнең матурлыгы – йолдызларда, җир йөзенең гүзәллеге – хатын-кызларда. Халыкара хатын – кызлар көне – 8 Март бәйрәме күптән көтелгән, иң күңелле бәйрәмгә әверелде, чөнки ул яраткан хатын-кызларга багышланган. Бу яз көне наз, җылылык һәм мәхәббәт белән бәйле. Бэйрэм алды көннәрендэ “Изгелек утравы” клубы гузэл хатын – кызларыбызны бәйрәмгэ чакырды. Алар өчен әдәби – музыкаль кичә оештырылды. Кичә Сукырлар оешмасы рәисе Г. М. Валиеванын җылы котлауларыннан башланды. Р. Фаткуллин узенен монлы тавышы белэн кешелекнең матур яртысына – хатын-кызларыбызга, әниләребезгә багышлап җырлаган җырлары бер кешене дә битараф калдырмады. 10 санлы балалар бакчасында тәрбияләнуче балаларның чыгышы кичәбезгэ тагын да ямь өстәде. Кичэ бик күңелле үтте.